बाबुआमाकाे मन छाेरीछाेरी माथी छाेरीछाेरीकाे मन ढुङ्गा माथी भनेजस्तै भएकाे छ,अझ भनाै बाल्यकालमा पढ्दै,सुन्दै,र हेर्दै आएकाे कथा जस्तै,,,,एक निर्दयि छाेराले बुढाे भएकाे बाबुलाई भिरबाट गुल्टाएकाे कथा जस्तै ! मोरङको बेलबारीमा आफ्नै छोराबुहारीले एक वृद्धलाई मध्यजंगलमा लगेर छाडिदिएकाे खुल्न आएकाे छ ! बेलबारी नगरपालिका-७,डांगी टोलमा बस्दै आएका ७० वर्षीय जामुनलाल झांगडलाई उनकै छाेराबुहारीले जंगलमा लगेर छाेडेका हुन् ! उनलाई आफ्नै छाेरा बुहारीले चार दिन अघि माेटरसाईकलमा राखेर बिच जंगलमा लगेर छाेडिदिएका थिए ! शरीरको भागमा चाेटैचोट र धेरै बोल्न नसक्ने अवस्थामा बेलबारी–चिसाङ साझेदारी वन क्षेत्रबाट मंगलबार चार दिनपछि उनलाई उद्धार गरिएको हो । उनलाई बनकाे हेरालु टोलीले वनबाट उद्धार गरी अस्पताल भर्ना गराएका हुन् ।
वन समितिका अध्यक्ष दिनेश गिरीले वृद्धको बेलबारी नगर अस्पतालमा उपचार भइरहेको बताए । वन क्षेत्र निगरानीमा गएका साथीहरूले फेला पारी लिएर आउनु भएछ । उनलाई छाेराबुहारीले नै मोटरसाइकलमा बसाएर बीच जंगलमा लगेर छाडिदिएका रहेछन् ।
हामिले भेट्दा वृद्धको शरीरको भागमा चोट देखिएको र धेरै बोल्न नसक्ने अवस्थामा रहेकाले नगर अस्पतालमा उपचारकाे लागि पठाएकाे थियाैँ !
वडाध्यक्ष सुनिता चौधरीकाे अनुसार घाईते वृद्धका छोराबुहारीको खोजी भइरहेको बताइन् । घटना के कसरी भएको रहेछ भनी सोधीखोजी सुरु गरेका छौँ,” उनले भनिन्, “अस्पतालमा उहाँ गम्भिर अवस्थामा हुनुहुन्छ । शरीर निकै कमजोर देखिन्छ ।”
यता वन अध्यक्ष गिरीले घटनाबारे प्रहरीलाई जानकारी गराइसकेकाे बताए । समाजमा यस्ता घटनाहरु कम हुनुकाे साँटाे झनै बढ्दै गईरहेकाे पाईन्छ ! तसर्थपनि बाबु आमालाई राम्राे सँग हेरचाह गर्नु हरेक छाेराबुहारीकाे कर्तब्य हाे भन्ने चेतनाकाे बिकास गर्न सराेकारवाला निकायले पनि ध्यान दिनु पर्ला कि ?