😁‘चिप्लाउने अंकल’ले पनि चिप्लाउन नसकेको राधिका दासी विवाद ?😳

😁‘चिप्लाउने अंकल’ले पनि चिप्लाउन नसकेको राधिका दासी विवाद ?😳

केही समयअघि कथावाचिका राधिका दासीमाथि वेदिका केसीले एकपछि अर्को गम्भीर आरोप लगाउँदै सार्वजनिक रूपमा प्रश्न उठाएकी थिइन्। करोडौँ रुपैयाँ हिनामिना गरेको, रजस्वला भएका बेला पनि व्यासपीठमा बसेर कथा वाचन गरेको, धर्मलाई कमाउ धन्दा बनाएको, भारतमा अघोषित श्रीमान् र महँगो सम्पत्तिसम्म रहेको आरोपपछि यो विषय सामाजिक सञ्जालमा व्यापक बहसको केन्द्र बनेको थियो। रजतपटमा वेदिका केसीले दिएको अन्तर्वार्तापछि राधिका दासीले नेपाल आएर सबै आरोपको स्पष्ट जवाफ दिने बताएकी थिइन्। त्यसयता धेरै दर्शक र समर्थकहरू उनको स्पष्टीकरणको प्रतीक्षामा थिए। यही क्रममा हिजो रजतपटमा पत्रकार प्रकाश सुबेदीसँग करिब एक घण्टा लामो अन्तर्वार्ता सार्वजनिक भयो। सामाजिक सञ्जालमा धेरैले प्रकाश सुबेदीलाई मजाकमै ‘चिप्लाउने अंकल’ भनेर चिन्ने गरेका छन्, किनभने उनले अन्तर्वार्तामा धेरै पाहुनाबाट सहज रूपमा विभिन्न कुरा बाहिर ल्याउने गरेको चर्चा हुने गर्छ। तर यसपटक भने धेरै दर्शकको प्रतिक्रिया फरक देखिएको छ। सामाजिक सञ्जालमा धेरैले वेदिका केसीले लगाएका गम्भीर आरोपहरूको राधिका दासीबाट स्पष्ट खण्डन हुन नसकेको र अन्तर्वार्तामा पनि मुख्य प्रश्नहरूको चित्त बुझ्दो जवाफ नआएको टिप्पणी गरिरहेका छन्। कतिपयले प्रकाश सुबेदीले पनि आवश्यक प्रतिप्रश्न गर्न नसकेको भन्दै यो अन्तर्वार्ताबाट सत्य बाहिर ल्याउने अपेक्षा पूरा नभएको प्रतिक्रिया दिएका छन्। अहिले सामाजिक सञ्जालमा धेरैले राधिका दासी र वेदिका केसीलाई एउटै मञ्चमा आमनेसामने राखेर छलफल गराउनुपर्ने माग गरिरहेका छन्। एक सामाजिक सञ्जाल प्रयोगकर्ताले लेखेका छन्, "चिप्लाउने अंकलको रजतपट हेरियो। बेदिका बहिनीले बोलेर काटेको भिडियो क्लिप पनि देखियो, तर राधिका दासीको जवाफ चित्त बुझेन। दुबैलाई आमनेसामने राखेर बोल्न लगाउनुपर्छ, अनि मात्रै सत्य के हो भन्ने थाहा हुन्छ। धर्मको विरोधी म होइन, तर धर्मको नाममा करोडौँ कमाएर मोजमस्ती गर्नु मनासिब होइन। यति गम्भीर आरोप लागिसकेपछि सत्य र तथ्य बाहिर आउनैपर्छ। यदि आरोप प्रमाणित हुँदैन भने वेदिका केसीले पनि कानुनी कारबाही भोग्नुपर्छ।" राधिका दासीमाथि लगाइएका आरोपहरू अहिलेसम्म कानुनी रूपमा प्रमाणित भएका छैनन्, र ती आरोपबारे सम्बन्धित निकायबाट कुनै आधिकारिक निष्कर्ष पनि सार्वजनिक भएको छैन। यद्यपि, यो विषयलाई लिएर सामाजिक सञ्जालमा बहस भने अझै चुलिँदै गएको छ। #smartnepal #goviral #bedikakc #radhikadashi #facebookpost