लामो समयपछि सुगमको भावनात्मक स्वर फेरि प्रतिध्वनित — भिडियोमा श्रृष्टि खड्का र मान्शी शर्माको अभिनय
काठमाडौं। लामो समयपछि लोकप्रिय गायक सुगम पोखरेलले आफ्नो नयाँ प्रेम गीत ‘अँध्यारो रातमा’ सार्वजनिक गरेका छन्। गीतले सुगमको पुरानो मधुर स्वरलाई आधुनिक स्पर्शसहित पुनः श्रोता र दर्शक सामु ल्याएको छ।
 |
गायक सुगम पोखरेलको नयाँ गीत ‘अँध्यारो रातमा’ — भिडियोमा श्रृष्टि खड्का र मान्शी शर्माको उत्कृष्ट अभिनय।
गीतका शब्द, संगीत र र्याप अनुप महर्जनले तयार पारेका हुन्। एरेञ्ज र गिटार सुरज माली, र मिक्स/मास्टरिङ साजन शाहको रहेको छ। आधुनिक ध्वनि र भावनात्मक स्वरसमेतले गीतलाई उत्कृष्ट बनाएको छ।
संगीत भिडियोमा श्रृष्टि खड्का र मान्शी शर्माको अभिनय देख्न सकिन्छ। उनीहरूले प्रस्तुत गरेको प्रेमको भाव र सुगमको स्वरबीचको तालमेलले भिडियोलाई अझै आकर्षक बनाएको छ।
अकाल आवाजमा सजिएका सुगम पोखरेलका प्रायः गीतहरू लोकप्रिय हुने गरेका छन्, र ‘अँध्यारो रातमा’ पनि त्यसैको निरन्तरता हो।
YouTube मा दर्शक र श्रोतालाई हेर्दा सबैले यस गीत र भिडियोको प्रशंसा गरेका छन्। धेरै कमेन्टहरूमा सुगमको आवाज, भिडियोको प्रस्तुति, र र्यापमा प्रयोग भएका शब्दहरू पनि अत्यन्त सभ्य र अर्थपूर्ण भएको उल्लेख गरिएको छ।
त्यस्तै, TikTok मा पनि यस गीतका छोटा क्लिपहरू तीव्र रूपमा फैलिँदै छन्, जसले यसको लोकप्रियता अझ बढाइरहेको छ।
छिट्टै यो गीत पनि दर्शक र श्रोता माझ अत्यन्त लोकप्रिय हुनेमा कुनै शंका छैन।
