सुन्दा अचम्म लाग्न सक्छ कि भ्यागुताको पनि बिहे हुन्छ भनेर । हो दर्शकबिन यो कुरा सत्य हो र यो घटना हाम्रै देश नेपालमा भएको हो ।
यो चलन कुनै नौले भने हैन तराईका केहि भुभागमा धेरै अघि देखि यो चलन चली आएको पाईन्छ । वर्षा याममा पानी नपर्ने खडेरी लाग्ने भएकोले किसानहरुले जोडी भ्यागुताको विवाह गरिदिने गर्छन् । र यो वर्षपनि यहि बैसाख २२ गतेका दिन झापाको अर्जुनधारामा एकजोडी भ्यागुताको धुमधामकासाथ विवाह गरिएको छ । लामो समयसम्म बर्षा नहुँदा खडेरीको सामाना गर्नुपरेको भन्दै अर्जुनधारा वडा नम्बर २ का स्थानीयले भ्यागुताको बिहे गरिदिएका हुन् । संयोग भनौं वा वास्तविकता यसरी विवाह गरिदिएको केही दिन मै किसानहरूले वर्षायाम को अनुभूति गरेको पाइन्छ । त्यसैले होला यो चलन ले अझै सम्म पनि निरन्तरता पाइरहेको छ ।
यतिमात्रै होइन तराईका केही जिल्लाहरुमा पानी पार्न कै निम्ति पूजाआजा गर्ने चलन पनि छ । कारण जे होस् नेपाल लगाएत अन्य कृषिप्रधान देशहरूमा वर्षायामको धेरैनै महत्व हुन्छ । त्यसैले समयमै वर्षा सुरु भईदिए किसानले ढुक्क हुने थिए ।