🔥 ‘दुश्मन हेरेको हेर्‍यै’ गीतलाई लिएर आनन्द कार्की र दुर्गेश थापाबीच तकरार!

🔥 ‘दुश्मन हेरेको हेर्‍यै’ गीतलाई लिएर आनन्द कार्की र दुर्गेश थापाबीच तकरार!

वरिष्ठ गायक आनन्द कार्की र गायक दुर्गेश थापाबीच ‘दुश्मन हेरेको हेर्‍यै’ गीतलाई लिएर मतभेद सतहमा आएको छ। प्राइम टिभीको ‘जनता जान्न चाहन्छन्’ कार्यक्रममा आनन्द कार्कीले आफूलाई दुर्गेशले गीत गाउन अफर गरेको, आफूले गीत गाएपछि सुटिङसमेत भएको तर त्यसपछि दुर्गेश सम्पर्कविहीन बनेको बताएका छन्। गीत रिलिज भएपछि सुपरहिट भए पनि आफूलाई दिनुपर्ने पारिश्रमिक नदिएको र ‘अग्रज दाइ’ भनेर एकपटक सम्झेर धन्यवादसमेत नदिएको उनको गुनासो छ। उनले त्यसपछि अहिलेसम्म दुर्गेशसँग भेट नभएको बताएका छन्। तर, आनन्दको अभिव्यक्तिपछि दुर्गेश थापाले प्रेस विज्ञप्ति जारी गर्दै आरोपको खण्डन गरेका छन्। दुर्गेशका अनुसार ‘दुश्मन हेरेको हेर्‍यैमा’ गीतमा आनन्द कार्कीसँग सहमति भएको पारिश्रमिक पहिल्यै भुक्तानी गरिसकिएको छ र त्यसको प्रमाणसमेत आफूले विज्ञप्तिसँग संलग्न गरेको बताएका छन्। दुर्गेशले अग्रज कलाकारप्रति आफ्नो सम्मान सधैँ रहेको बताउँदै कुनै विषयलाई पूर्ण सन्दर्भ नबुझी व्याख्या गर्दा गलत बुझाइ उत्पन्न हुन सक्ने बताएका छन्। साथै, आनन्दले कार्यक्रममा उल्लेख गरेको अर्को गीत भने चलचित्रका लागि तयार गरिएको र त्यसको निर्माण तथा भुक्तानीको जिम्मेवारी सम्बन्धित चलचित्र पक्षकै रहेको उनको स्पष्टीकरण छ। एकातिर आनन्द कार्कीको ‘पैसा दिएनन्, धन्यवादसमेत दिएनन्’ भन्ने गुनासो, अर्कोतिर दुर्गेशको ‘पारिश्रमिक भुक्तानी गरिसकेको प्रमाण छ’ भन्ने दाबीले नेपाली संगीत क्षेत्रमा दुई पुस्ताका कलाकारबीचको विवादलाई चर्चामा ल्याएको छ। अब प्रश्न उठेको छ—पारिश्रमिक भुक्तानी भएको हो भने प्रमाण के हो? र आनन्द कार्कीले किन आफूलाई रकम नदिएको गुनासो गरे? दुवै पक्षको दाबीपछि वास्तविकता के हो भन्ने विषय थप चासोको विषय बनेको छ। #anandakarki #durgeshthapa #dusmanherekoherai #smartnepal