🥲बाढीको भेलमा माछा खोज्दै रमाउँदैछन् मानिसहरू, देश दुःखमा डुवेको छ तर कसैलाई दशैं लागेको छ 💔

🥲बाढीको भेलमा माछा खोज्दै रमाउँदैछन् मानिसहरू, देश दुःखमा डुवेको छ तर कसैलाई दशैं लागेको छ 💔

बाढीले मानिसका घर–आँगन मात्र बगाएको छैन, धेरै परिवारका सपना र आफन्तसमेत खोसेको छ। तर यही दुःखद परिस्थितिमा मानिससँगै बगेर आएको माछा समात्न तँछाडमछाड गर्ने, भाग लगाएर रमाउँदै खाने दृश्यहरू सामाजिक सञ्जालमा देखिन थालेका छन्। 😢 सरकारले बाढीमा बगेका तथा दूषित पानीमा रहेका माछा नखान आग्रह गरिरहेको छ, हैजा, झाडापखाला लगायतका रोग फैलिन सक्ने जोखिम रहेको बताइरहेको छ। तर केही मानिस भने जोखिमको पर्वाह नगरी माछा समातेर रमाइरहेका देखिन्छन्। अझ विडम्बना त के छ भने, त्यही भेलले मानिसको श*वसमेत बगाएर ल्याएको छ—तर श*व देख्दा आँखा झुकाउनेहरू त्यही भेलले ल्याएको सामान, माछा, ग्यास सिलिन्डर र अन्य सम्पत्ति लुट्न भने पछि पर्दैनन्। 💔 देश शोकमा डुबेको छ, परिवारहरू आफ्ना मान्छे खोज्दै रोइरहेका छन्, कसैको घर छैन, कसैको सहारा छैन। तर कतै भने दशैँ आएझैँ रमाइलो भइरहेको छ। आखिर विपत्तिले हाम्रो घर मात्र बगाएको हो कि हाम्रो संवेदना र मानवता पनि बगाएर लग्यो? 😢🙏 यस्तो बेला अरूको दुःखलाई तमासा नबनाऔँ। भेलले ल्याएको हरेक वस्तु अवसर होइन, कसैको जीवन र सम्पत्तिसँग जोडिएको हुन सक्छ। आज अरूको पीडामा संवेदनशील बन्न सक्यौँ भने मात्र हामी साँच्चिकै मानव हौँ। ❤️🇳🇵 #floodvictim #smartnepal #goviral