डोजर भन्ने बितिकै बालेन् साह को झल्को आउँछ होला तर यो डोजर धनगढी उपमहानगरपालिकाका मेयर गोपाल हमालले चलाएका हुन् । धनगढीको मनेहरामा छालाको अस्पताल खोल्ने भन्दै स्थानीयलाई झुक्याएर खोलिएको चर्चमा उपमहानगरले डोजर चलाएको छ । सोमबार मात्रै धनगढी उपमहानगरले लेट मेईन नामक संस्थाले लिएको अनुमति रद्ध गरेको थियो ।
सामाजिक सञ्जालमा होहल्ला नगर्ने शान्त रूपमा काम गर्ने मेयर हमालको आवाज भन्दा पनि काम बोल्ने गर्छ ।पछिल्लो समय उपमहानगरपालिका भित्र बनाएका अनाधिकृत संरचनाहरु हटाउन डोजर लिएर निरन्तर रुपमा लागिरहेका छन् ।
धनगढी- अस्पताल खोल्ने अनुमति लिएर बनाइएको एउटा दुईतले भवनमा डोजर चलाइएको छ ।
धनगढी उप-महानगरपालिका-७ मनेहरामा लेट मेइन धनगढी प्रालिले घर नक्सा पासविपरीत संरचना बनाएर चर्च चलाएपछि डोजर लगाएर भत्काइएको हो ।
नेपाल लाइफ वर्ल्ड मिसनका नाम अस्पताल खोल्ने भनी चर्च चलाइएको स्थानमा घर नक्सा पासविपरीत निर्माण भएका अवैध संरचना धनगढी उप-महानगरपालिकाले भत्काइदिएको हो।
लेट मेइन धनगढी र नेपाल लाइफ वर्ड मिसनले निमार्ण गरेको भवनका अवैध संरचनाहरू मंगलबार नगरप्रहरी र डोजर परिचालन गरेर तोडिएको हो।
घर नक्सा पासविपरीतका संरचना बनाएको पाइएपछि भत्काइएको उमपहानगरपालिकाका मेयर गोपाल हमालले बताएका छन् ।
यसअघि उपमहानगरको वडा नम्बर ७ कार्यालयले सोमबार मात्रै ७ लेट मेइन धनगढी प्रालि र नेपाल लाइफ वर्ड मिसनको दर्ता खारेज गरेको थियो।
लेट मेइन धनगढी प्रालिले २०८० साउन २२ गते वडा कार्यालयमा सीपमूलक तालिम तथा परामर्श सेवा सञ्चालन गर्ने प्रयोजनसहित व्यवसाय दर्ता गराएको थियो।
नेपाल लाइफ वर्ड मिसनले २०८१ वैशाख १६ गते सेमिनार, तालिम आदि सञ्चालन गर्ने प्रयोजनका लागि वडामा व्यवसाय दर्ता गराएको थियो।
तर ती कम्पनीले लिएको जग्गामा अस्पताल बनाउने भन्दै चर्च चलाइएको थियो । दुई करोडको लागतमा दुई तले चर्च निर्माण गरिएको पाइएपछि दर्ता खारेज गरिएको हमालले बताए । यसअघि उक्त कार्यमा संलग्न ३ जनालाई प्रहरीले पक्राउ गरेर कारबाही अघि बढाएको छ ।
Link: https://www.facebook.com/smarttvnepal79/videos/987146269774727