😢हिजो साँझ ६ बजेतिरको घटना हो । काँकरभिट्टा बसपार्कको मिनी मार्केट छेउको सडकमा एउटा युवा बेहोश भएर लडिरहेको देखें ।

😢हिजो साँझ ६ बजेतिरको घटना हो । काँकरभिट्टा बसपार्कको मिनी मार्केट छेउको सडकमा एउटा युवा बेहोश भएर लडिरहेको देखें ।

बाटो हिड्नेहरु रमिता हेरिरहेका थिएँ । बाइक रोकेर नियालें, मानिस बेहोश जस्तो लाग्यो । तत्काल कांकरभिट्टा डीएसपी सरलाई फोन गरेर उद्धार गरिदिन अनुरोध गरें । घर पुग्न जति नै हतार भए पनि त्यो अपरिचित भाइको उद्धार महत्त्वपूर्ण भएकाले मनिषा मेडिकल नजिक बाइक थन्काएर लडिरहेको भाइ भएतिर जाँदै थिएँ । दुई जना अर्कै भाइले बोकेर बसपार्कको पल्लो कुनाको फलामे चौतारोमा पुऱ्याउँदै रहेछन् । तत्कालै प्रहरी टोली आइपुग्यो । प्रहरीले त्यो भाइको पेन्टको गोजीबाट बसको आजकै टिकट र हजारका नोटहरूको दुई वटा मोटो बन्डल भेटायो । पैसा लाख भन्दा कम नहोला, गणना चाहिँ हुन बाँकी छ । बसको टिकटमा त्यो भाइको नाम हरि थापा उल्लेख छ । ठेगाना काठमाडौ लेखिएको छ । आज ३:४० बजेको नेपाल-भारत बस रहेछ । बस काठमाडौं गइसक्यो, भाइ यतै छुट्यो । यदि यो भाइलाई समयमै उद्धार नभएको भए अर्थात् रातिसम्म सडकमा लडिरहेको भए पैसाका कारण ज्यान पनि जोखिममा पर्न सक्थ्यो । भाइसँग लक भएको मोबाइल पनि छ । ब्यागहरू केही छैन । कताबाट आइपुगेको पत्तो छैन । सम्भवतः इन्डियाबाट घर फर्केको हो कि ? केही स्थानीयले दिउँसैदेखि नशाले लठ्ठिएको अवस्थामा बसपार्क र होटल लाइनतिर डुलिरहेको र घर बनेपा बताउने गरेको जानकारी दिएका छन् । आफन्तलाई उहाँको अवस्थाका बारेमा जानकारी पुऱ्याउन पाए झन् राम्रो हुन्थ्यो । अहिले भाइ र उसको साथमा रहेको नगद र मोबाइल इप्रका काँकरभिट्टाका प्रहरीले सुरक्षित गरिदिएका छन् । आफै मादक पदार्थ खाएको हो कि कसैले नशालु पदार्थ खुवाएर यस्तो हालतमा पुऱ्याएको हो, थाहा भएको छैन । आपतमा परेका जोकोहीको सुरक्षा र सकुशल उद्धार हुनुपर्छ । तत्काल उद्धार र सुरक्षा प्रबन्धका लागि इप्रका काँकरभिट्टाका डीएसपी सरलाई धेरै धेरै धन्यवाद । यो भाइलाई होश खुलेपछि राम्ररी सोधेर बुझेर भोलि मात्रै घर पुग्ने व्यवस्था मिलाइयोस् । S: Mohan Kazi #HelpPost #banepa #smartnepal