🇳🇵 बाढीले छुटाएकाहरूको खोजीमा नेपाली सेना 🙏

🇳🇵 बाढीले छुटाएकाहरूको खोजीमा नेपाली सेना 🙏

रसुवाको भोटेकोशीमा आएको विनाशकारी बाढीले धेरै परिवारबाट आफ्ना प्रियजन खोसेको छ। कोही अझै बेपत्ता छन्, कतै आफन्तहरू आफ्नो मान्छेको खबरको प्रतीक्षामा छन्। यस्तो पीडाको बीचमा श*व खोजी तथा व्यवस्थापनमा ढिलाइ भएको भन्दै उठेका जनगुनासोलाई सम्बोधन गर्दै नेपाली सेनाले खोजी तथा रिकभरी अभियान थप तीव्र बनाएको छ। रसुवादेखि चितवनसम्म त्रिशूली र नारायणी नदी किनारका सम्भावित क्षेत्रमा आज थप १,२०० सैनिक परिचालन गरिएको छ। यसअघि खटिएका १,६०० सहित अब २,८०० सैनिक उद्धार, राहत तथा बेपत्ता नागरिकको खोजी र श*व संकलनमा जुटेका छन्। नदीको तीव्र बहाव, कठिन भूगोल र जोखिमपूर्ण परिस्थितिका बाबजुद सैनिकहरू निरन्तर खोजीमा छन्। 🙏 आफन्त गुमाएका परिवारका लागि हरेक श*व केवल एउटा श*व होइन—आफ्नो मान्छेलाई अन्तिम पटक भेट्ने, अन्तिम संस्कार गर्ने र मनलाई शान्त पार्ने अन्तिम आशा हो। 🇳🇵 बेपत्ताको खोजी जारी राख्ने नेपाली सेनाका सम्पूर्ण टोलीलाई सलाम। भगवानले अझै आशामा बसेका परिवारलाई आफ्ना प्रियजनको खबर छिट्टै सुनून्। 🙏💔 #smartnepal #flood #nepalarmy