🙏 राहत दिनु भनेको आफूलाई नचाहिएको सामान फाल्नु होइन, कसैको दुःखमा साथ दिनु हो।😢

🙏 राहत दिनु भनेको आफूलाई नचाहिएको सामान फाल्नु होइन, कसैको दुःखमा

साथ दिनु हो।😢 बाढीपीडितका लागि राहत संकलन गरिरहँदा सहयोग गर्ने सबैलाई धेरै धन्यवाद। तर एउटा कुरा मनदेखि भन्नैपर्छ—महिनावारीको रगत लागेको, च्यातिएको, फोहोर, धेरै पुरानो वा प्रयोग गर्नै नमिल्ने कपडा राहतको नाममा नदिनुहोस्। आज घरबार र आफ्नो सामान गुमाएर राहत लिन बाध्य भएका मानिसहरू पनि हामीजस्तै आत्मसम्मान भएका मानिस हुन्। हामीले फाल्न भनेर छुट्याएको सामान उनीहरूलाई दिएर सहयोग गरेको ठान्नु हुँदैन। एउटा व्यक्तिले त च्यातिएको भित्री गन्जीसमेत राहतको नाममा दिनुभएको देखियो, जुन पूर्ण रूपमा फाल्नुपर्ने अवस्थामा थियो। यस्तो सामान कसैको दुःखमा सहयोग होइन, उनीहरूको पीडामाथि थप चोट हुन सक्छ। प्रयोग गरिसकेको अन्डरवेयर वा लगाउन नमिल्ने भित्री कपडा पनि कृपया राहतमा नदिनुहोस्। एकपटक आफूलाई सोधौँ— “यो कपडा म आफ्नो दाजुभाइ, दिदीबहिनी वा आफूले सम्मान गर्ने मानिसलाई दिन सक्छु?” यदि उत्तर ‘सक्दिनँ’ हो भने, त्यो सामान विपद्मा परेको मानिसलाई पनि नदिऔँ। बाढीले उनीहरूको घर खोस्यो, सामान खोस्यो, धेरैको जीवन नै तहसनहस बनायो। अब कम्तीमा राहतको नाममा उनीहरूको आत्मसम्मान नखोसौँ। ❤️ राहत थोरै होस्, तर सफा होस्। सहयोग सानो होस्, तर मनदेखि होस्। किनकि राहत पाउने मानिस गरिब हुन सक्छ, तर उसको सम्मान कहिल्यै गरिब हुँदैन। 🙏 P: Samaya Khadka #smartnepal #floodvictim #goviral